 |
 |
|
|
|
 |
|
|
 |
 |
 |
 |
|
الإهداءات |
|
آخر 10 مشاركات
|
 |
 |
|
|||||||
| التسجيل | أعلى المشاركين | التعليمـــات | المجموعات الإجتماعية | التقويم | البحث | مشاركات اليوم | اجعل كافة الأقسام مقروءة |
 |
 |
| ناس في وســــــــــــــــــــطنا فيه نــــاس كتيره ف وسـطنا ملهاش اى دور ونــــــــاس بتروح وتتنسى متسبش اى جذور ونــــــــاس قليله ف عقلنا مع انهم سكان قبور ونــاس نكتبها ف ملزمه وناس ف اربع سطور |
 |
|
|
أدوات الموضوع | انواع عرض الموضوع |
08-05-2010, 02:25 PM
|
رقم المشاركة : 1 | |||||||||
|
ܓܨحواراتي علي مسطبة العمدةܓܨ
 أخوانــــي الاعزاء  لكم لي شوق الي هذا المنتدي والذي دائما أحس فيه بروحي وكأنني ألمس تلك الروح لانها دائما ينبع من المكان الذي أعشقة لانها اسطنها حقيقة هذا ما يخرج مني ومن قلبي ومن خلال بوابتها أعود مرة أخري الي الكتابات من داخل تلك البلدة لانني دائما أجد ان الموضوع الذي يخرج من رحمها، أجدة ملامسا لي ومن هنا كانت بداية موضوعاتي في هذا المكان صور من اسطنها والذي تناولنا فيه بعض الصور لتلك البلدة مرورا ببعض الموضوعات نهاية بحواراتي مع الدكتور وحيد موافي ثم كانت فكرة موضوعي الجديد وهو حواراتي من علي مسطبة العمدة حقيقة حتي كتابة تلك السطور ورغم تجهيزي للحلقة الاولي من فترة طويلة كادت تقارب من السبعة شهور الا انني أحترت فيما يكون عنوان حلقاتي وموضوعي فكرت أن أسمية حرافيش بلدنا ولكن قد لا يروق الاسم للبعض وخاصة من ألتقي بهم رغم أنه الاسم الانسب من وجهة نظري لان نجيب محفوظ كـان زعيم الحرافيش وحتي استقر علي الاسم النهائي فهي :-  ܓܨحواراتي من علي مسطبة العمدةܓܨ أبناء بلدنا مش لازم يكونوا أساتذة جامعة ولا مناصب عليا في مصر وماأكثرهم ولكنهم ناس مننا عايشين في وسطنا ممكن يكون فلاح -استاذ جامعة-موظف-أو من يروق لك الحديث معهم وتود ان تسمعهم انها حقيقة أشبة بلقاء علي الناصية أتمني من الله ان اوفق في هذا الموضوع والذي أمل من الله ان تستمتعوا معي به فتابعوني   
آخر تعديل mr.beneamean يوم 12-05-2010 في 01:44 AM.
|
|||||||||
|
|
08-05-2010, 02:33 PM
|
رقم المشاركة : 2 | |||||||||
|
بسم الله وعلى بركة الله فى أنتظار اولى الحلقات وكلى شوق بالتوفيق رمضان وكلى يقين بانها سوف تكون حلقات رائعه دمت بكل خير
|
|||||||||
|
|
|
08-05-2010, 02:38 PM
|
رقم المشاركة : 3 | |||||||||
|
  اماا تقابلة تحس ان الدنيا بخير وجهه مليء بالخير  فلاح مصري اصيل او الفلاح الاصيل او اشطر فلاح في اسطنها اللي زرع الكرنب في علب الدولسي  انه العم الشهير ب / عطية الفرخ  اولا اهلا بيك يا عم عطية معانا في منتدي اسطنها او صفحة اسطنها علي الانترنت اهلا بيك يا عم رمضان واحنا متشرفين بالمنتدي والناس اللي في المنتدي رغم اننا عمرنا ما شوفنا النت لكن سمعنا ان اسطنها ليها موقع ومبسوطين بيه جدا وبنحيي كل الشباب اللي في المنتدي من كبيرهم لصغيرهم وبنتمني من اللي من اسطنها في المنتدي واللي من براها انهم يخلوا بالهم من الاسم ده اسطنها  بسم الله الرحمن الرحيم اانت مين قولنا وعرفنا بنفسك انا الحاج عطية بيومي مصطفي زيدان من اسطنها مركز الباجور المحافظة المنوفية انا مواطن كنت فقير جدااااااااااا وانا بنيت نفسي بنفسي وانا اشكر الله علي الخير اللي انا فية وعاوز كل الناس تجتهد وتعمل زيي واحسن مني ويا رب يكرم كل الناس اللي في الدنيا انا طباخ فندق سياحي درجة اولي وعشت في المدينة خمس سنين ومازال ارجع لاصلي تاني افلح وازرع ومعايا سبع فدادين بالايجار ونحمد الله ونشكر فضلة علي نعمته علينا وكان حلمي اني اعود لاصلي من تاني ولتراب بلدي علشان النعمة في بلدنا مش كل واحد يقول اني فلاااح فلحت ولا كل واحد يقول انا شاطر الرزق من عند الله  قولي يا عم عطية اما كنت صغير بلدنا كانت ازاي وانت كنت ازاي بلدنا يا عم الحاج اقوي بلد في المنوفية واحنا العمر كله نسمع عن اسطنها انها عروسة المنوفية واحنا ولاد اسطنها واحنا ده اصلنا وطول عمرنا اهل كرم وخير وميمنعشي ان يبقي في بلدنا الحلو والوحش وكل الدنيا كده يا بني انا طلعت البلد علي قديمها قرية حلوة قبل ما تتوسع كده فنفسي انها تبقي مش مركز لا محافظة دخلت المدرسة لحد سنه (سته) وبطلت علشان أكبر اخواتي كبرتهم فيهم دكاترة فيهم ظباط وفيهم فلاحين بس انا اللي شاطر رغم انا اللي متعلمتش وشرط اساسي ابويا محافظشي عليا وخليتني ماشي اتجوزت بنفسي محدش ساعدني وجريت وابويا قسمني لوحدي علشان اعمل معيشة لان ابويا كان فقير وبعد ما اتجوزت بدأت معيشتي لوحدي بعد ما عيشت لوحدي زرعت جميع الخضروات اللي في السوق وبيقولي اني احسن زارع للخضروات في بر مصر كله واحنا موجودين للي من المنتدي في أي مكان وعايز يشوف زرع عمك عطية زرع عمك عطية لا يعلا عليه طيب استني يا حاج عطية انت يعني اشطر من باقي الفلاحين في ايه؟ انا الحاج عطية زرعت الكرنب في علب الدولسي اول واحد يعملها وخدت المهندس الزراعي صبحي ابو السعود والحاج مصطفي عزب وحطينا شبكة السمك علي علب الدولسي علشان الحمام ميقطعشي ورق الكرنب احنا خدنا الكرنب بالحاج مصطفي عزب ورحنا زرعناة وهما بيستشروني بتحط كام الف في الفدان فقولت 4000 واحنا بنقول كده ونعرف أي فلاح ونعلمة ومبنبخلشي عليه اما روحت دار حيدر رأس البلد ادونا ارضهم وزرعوها ليمون وروحت زرعتها طماطم وكان القيراط ب6 جنية وربنا رضاني ب2000 جنيه في عز الرخص وسديت اجايري وبدأت اتعلم الشطارة من كده اما انا اما كان عمري 15 سنه وبدأت ازرع قولي يا عم عطية حاجات شوفتها عمرك ما تنساها بالنسبه للارض لقمت الدراسه 1400 ساعه الساعه بشلن علي باجور الحاج عبد الحميد سليم غراب واشكر الله اننا بصحه حلوة وعال العال وهقولك علي حاجات قديمة حصلتلي وشوفتها مش قادر انساها وانا راجع من الغيط بالكرنب لقيت واحد رافع الطبنجة وبيضرب واحد فلاح من أهل القرية وانا كنت صغير لا ااقدر احوش ولا ااقدر ااقول ارجع سمعت منهم انهم راحوا سلموا نفسهم للنقطه .... وكان املي من ايام ما كان معنديش ارض ان الريس يسلمني 10 فدادين في الصحراء واعمرهم وكل اما كنت اعمل كده ميعملوش حاجه مش عارف ليه؟ في مرة من المرات رايح الغيط وكان عندي في الوقت ده 20 سنه وجاي من السعودية فلقيت راجل فلاح بيقصب الارض وبوظها فقمت قالع الجلابية ومسكت القصبية وعدلت الارض قولي يا عم عطية عندك كام ابن وبنت الاول سامي متجوز وعندة اسلام وغرام وعندي ابني هاني الله يرحمة وابنه حفيدي شريف هاني اطلب من الله ابوة ميت ونفسي اشوفو لان امه واخداه والمحكمة مش راضية تخليني اشوفو وعندي محمد ابني وبنتي في كليه شريعه وقانون ونحمد الله ان احنا عيالنا كويسة قولي بقي يا عم عطية من اصحابك انا أعرف الدكتور وحيد عوض موافي اعرف الحاج مصطفي عزب الحاج صبحي ابو السعود والحاج عبد الرسول من عزبة مرهم وكل فلاحين اسطنها حبايبي ومببخلشي علي حد بنصيحة ابدا لان ربنا اداني علم في الزراعه والفلاحة فمقدرشي ابخل بيه ابدا لان ده علم ربنا وزكاته تعليمة ونفسي اشوف ارضنا دائما بخير لاني بحب الارض قوووي ودائما احب ااقعد فيها ومسبهاش   أنتظرونا في الجزء الثاني من اللقاء فتابعونا في الصفحات القادمة  
آخر تعديل mr.beneamean يوم 08-05-2010 في 03:25 PM.
|
|||||||||
|
|
|
08-05-2010, 02:43 PM
|
رقم المشاركة : 4 | |||||
|
لقد عاد رمضان وعادت الحياه لمنتدانا
اهلا بكم اخي العزيز رمضان واهلا بأفكاركم وموضوعاتكم الشيقة والجميلة اهلا بالمتعة والافاده اهلا بموضوعاتكم التي طالما استمتعنا بها واستفدنا منها وكم هي جميلة تلك الموضوعات التي تروق لنا فلقد اشتقنا لكم ولابداعاتكم ننتظرك بكل شغف اخي العزيز ننتظرك تسرد لنا اجمل واروع اللقاءآت والحوارات تقبل مني اخي العزيز اجمل وارق تحية
|
|||||
|
|
|
08-05-2010, 02:58 PM
|
رقم المشاركة : 5 | ||||||||||
|
اقتباس:
أخي وصديقي العزيز جدا محمود طلعت أمل ان تجد بين ما اأكتب شيئا قد يعجبك فهذا هو وطيد أكملي وشوقي أخي الحبيب فتابعني في حلقاتي والي أمل من الله ان لا تنقطع تشرفت بمرورك الكريم
|
||||||||||
|
|
|
08-05-2010, 03:01 PM
|
رقم المشاركة : 6 | ||||||||||
|
اقتباس:
أخي ابو ماجد ما نحن الا نقطة في بحركم فأنتم اهل علم ومعرفة ولطالما وجد ابو ماجد في منتدي اسطنها فالحياة مستمرة به أمل من الله ان تعجبكم تلك اللقاءات وهذا منتهي أملي ارق وخالص تحياتي لكم ولاسرتكم الكريمة 
|
||||||||||
|
|
|
08-05-2010, 03:40 PM
|
رقم المشاركة : 7 | |||||||||
|
والله انت مبدع بجد من افضل المواضيع بالمنتدى على الاطلاق ومتابع معك باقى الموضوع الكثير التشويق ولى عوده ان شاء الله للتعليق على ما ورد بموضوعك دمت مبدع دائما يارمضان
|
|||||||||
|
|
|
08-05-2010, 04:18 PM
|
رقم المشاركة : 8 | |||||||||
|
فكرة رائعة احييك عليها
|
|||||||||
|
|
|
08-05-2010, 04:34 PM
|
رقم المشاركة : 9 | |||||
|
فكرة وطرح اكثر من رائع اسجل متابعتى للتعرف على باقى اهل اسطنها أ\رمضان لك احترامى وتقديرى
|
|||||
|
|
|
| الكلمات الدلالية (Tags) |
| ܓܨحواراتي, أبناء, مع, بلدناܓܨ |
| أدوات الموضوع | |
| انواع عرض الموضوع | |
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ܓܨܓ ماذا يحدث للصقر بعد 40 سنه ܓܨܓ | ابوماجد | ܓܨمنتدي الغرائبܓܨ | 18 | 08-08-2010 12:07 PM |
| ܓܨܓ عزيزي الشابܓ اناقتك ܓ رشاقتكܓ هندامكܓعطرك ܓ ملابسكܓܨܓ | ابوماجد | منتدي كلام الشباب | 19 | 28-07-2010 06:07 AM |
| ܓܨܓ هــي كـلـمــه .. ! .. انـظــروا إلـى تــأثـيــرهــا ..! ܓܨܓ | امونه | منتدى الحوار العام | 10 | 13-06-2010 12:53 PM |
| ܓܨܓ قبل ان تعيش تعلم ..كيف تنسى ܓܨܓ | ابوماجد | منتدى الحوار العام | 11 | 01-11-2009 12:21 PM |
| ܓܨ ابو ماجدܓܨ التمر حنة ܓܨشاركوني بكلمهܓܨ | mr.beneamean | ناس في وســــــــــــــــــــطنا | 7 | 10-02-2009 10:50 AM |
 |
 |
العرض العادي
